Dantza koreografiko hau Nafarroako Arraras herriko musika batean oinarrituta dago, eta dantza taldeek bertsio ezberdinetan erabiltzen dute.
Dantza honen lehen aipamenak 1935ekoak dira, Jorda de Gallastegik argitaratu zuen mapa folklorikoan zein beranduago kaleratutako `Tratado y repertorio de Txistu´-n antzeman daitekeenez.
Bi kasuotan dantzaren izenaren, kokapenaren edo musikaren berri ematen da. Ondoren, Francisco Arrarasek `Danzas e indumentaria de Navarra´n dantza deskribatzen du, batik bat Iruñeko eta inguruetako dantza taldeetatik jasoak, dantzaren sorlekuan dantzatzeari utzi baitzitzaion. Beste koreografia bat Gaizka Barandiaranek aurkeztu zuena, `Dantzari´ aldizkariko 10. alean, Iruñeko Oberena dantza taldetik jaso zuen. Bi koreografiak oso antzekoak dira.
8 dantzarik parte hartzen dute, nahiz eta zortziren multiploa izanikoak ere onartuak izan. Arraras jaunak dio gizonek burututako dantza dela, nahiz eta arruntagoa izan neskek eta mutilek dantzatzea, edota neskek baino ez.
Share On