Sopuertan dantzan

Duela aste bat , 2017ko urriaren 15, Sopuertan ibili ginen dantzan bertako Urreztieta dantza taldearekin batera. Egun beroa izango zela antzematen zen aurrekariei begiratuz gero. Estatistika zein predikzioek asmatu bazuten ere, are gehiago berotu zen giroa talde bien arteko dantza erakusketa paregabearekin.

Haien partez taldeko gaztetxoenek burututako erromeria giroko hainbat dantzetaz gozatu ahal izan genuen, saskito, zapatain dantza eta horrelakoak besteak beste. Gure partez, 45 minututako ekitaldia egin genuen zeinetan Gipuzkoako Dantzak, Kortesko dantzak, Arantzako neskatxa dantza, Kaxkarot eta Kaixarranka dantzatu genituen.

Bestalde, bi taldeek batera ekitaldia irekitze eta ixte aldera Agurra eta Zazpi Jauzi dantzatu genituen.

Azkenik eta ohitura den lez, eskertzea besterik ez zaigu falta bertaratu ziren ikusle zein dantzariei. Mila esker eta Gora Gaztedi!