BEASAINGO XVII. DANTZA TOPAKETA

Herenegun, ekainak 4, Beasainen izan ginen, bertako Ostadar taldeak antolatutako XVII. Dantza Topaketetan. Ostadar Dantza Taldeko kideak ezagutzeaz gain, aukera izan genuen Gasteizko Adurtza Dantza Taldea eta Iruñeako Errotxapea Dantzan eta Ortzadar Dantza Taldeetako kideekin eguna igarotzeko; ohorea izan da elkar ezagutzea!

Goizean zehar nork bere dantzak eskaini zituen eta, janari gozoaz indarberritu ondoren, musikak eta dantzak elkartu egin gintuzten bazkalostean;  jai-giroan aritu ginen talde guztiak elkarrekin, dantza eta dantza.

Antolakuntza eta harrera bikainak izan ziren; eskerrik asko bihotz-bihotzez Beasaingo Ostadar Dantza Taldeko kideei, hain tratu ona emateagatik. Plazer handia izan da, benetan!