Mairuek Gaztediko Erraldoiak

Mairuek Bilboko Erraldoien Konpartsa 1993. urtean jaio ziren Kukubiltxo konpainiaren eskutik. 24 urte luzeren ostean Mairuek Bilboko Erraldoi Konpartsak eskualdatze proposamena luzatu zion Gaztedi Dantzari Taldeari, eta 2017ko ekainaren 10etik egunera arte eta Herri Oboeak festarekin batera dantza taldearen parte dira, eraberriturik eta gogo askorekin jarraipena emanez erraldoi hauei, Mairuek Gaztediko Erraldoiak izenpean.

Pertsonaiak

4 erraldoik, 2 buruhandik eta 2 zaldikok osatutako taldea dugu:

• Aittitte Matsorri: Begoñako baserritar fina, dotore eta atsegina. Bilbon berton izandako erraldoietatik berpiztua.
• Areatzako Jostune: Areatzan bildu ohi ziren joskileetako atseginena duzue hau.
• Kargerue: portura iristen ziren ontzietan behar neketsuak han-hemenka burutzen zituzten kargeren irudikapena.
• Angulerue: txinboen bihotzerreak bihotzondo bihurtzeko bihotzgurutsua. Ibaian gora ta behera zebiltzan anguleroen irudikapena.

Buruhandiak eta zaldikoak:

• Arrupe aita buruhandia: Bilbotar josulagunaren karikatura.
• Miguel de Unamuno buruhandia: Bilbotar idazlearen karikatura.
• Zaldikoak: Isabeldar edo Mikelete, eta karlista.